Atzo, osteguna, Iturriondo kaleko Ibarrabarri industrialdean izandako sutearen ondorioz, E-17 pabiloia kiskalita geratu zen, Aerocad Rotulos enpresarena, hain zuzen ere, eta beste sei pabiloiek kalteak jasan zituzten, Leioako udal iturriek zehaztu dutenez. Ostera, ez ziren kalte pertsonalik eman. Udaltzaingoak herritar baten deia jaso zuen 15:34ean suteaz ohartarazten. Segidan poliziek Ibarrabarri industrialdera joan ziren eta hortik larrialdi zerbitzuak koordinatu zituzten, hau da, SOS Deiak eta suhiltzaileak. Minutu gutxi batzuk beranduago suhiltzaileek sutea itzaltzen hasi ziren, 18:00ak arte, zehaztu dutenez. Itzali ostean, estalkia eta eraikinaren egituraren hozteari ekin zioten. Iluntzeko 8ak aldera amaitu zen suhiltzaileen lana. Orduan, Leioako Udaltzaingoak, Herri Babesak, Osasun Teknikariek eta Ur departamentuko teknikariek kalteen balorazioa egin zuten eta, suteak eragindako kea toxikoa zela baieztatu eta gero, inguruan diren etxeetako herritarrak ohartarazi zituzten, gau osoan zehar leihoak eta ateak itxita mantentzeko gomendatuz. Argazkian, suhiltzaileak eta udaltzainak artxiboko irudian.
Leioako Udaltzaingoak egindako balorazioaren arabera, sutea eman zen pabiloia guztiz kiskalita geratu da, eta horretaz gain, inguruan ziren beste sei pabiloi gehiagok ere kalteak jasan dituzte kea, ura eta suaren eraginez. Gaur, oraindik, sutearen jatorria ikertzen ari dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun