Getxoko Udalak Kirol Portuko diskoteka eraikitzeko lanak gelditzea agindu du, instalazio berri horretako sustatzaileek obra eta jarduerarako udal lizentziarik ez dutelako, tokiko iturriek adierazi dutenez. "Quality dantzalekuaren elkarte sustatzaileko arduradunek obra eta jarduerarako baimena hurrengo egunetan eskatuko balute ere, lizentzia eskuratzeko administrazio-izapidearentzat ezarritako epeek ez lukete ahalbideratuko obrak urtea amaitu aurretik hastea, eta hortaz, lan horiek amaitutakoan, ezta Gabon zahar gauean dantzalekua irekitzeko behar den baimena lortzea ere", azaldu dute. Udalak egoera horretaz ohartarazi nahi du, "aipatu diskotekako sustatzaileek dagoeneko salgai baitituzte jendearentzat urte-amaierako kotiloirako sarrerak". Halaber, "udal marka korporatiboa modu okerrean eta baimenik gabe erabiltzen ari den" blogaren aurkako lege-prozedurak abiatu ditu tokiko erakundeak. Blog horretan aipatu diskotekako gabon zaharreko kotiloirako sarrera salmenta iragartzen dute. Getxoko Udalak txartel salmenta horrekin zerikusirik ez duela zehaztu du. Argazkian, Getxoko Kirol Portua gauez / cc-by-nc-sa gazskoin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun