Santo Tomas egunean 24 orduko lanuztea egitea aurreikusten dute Metro Bilbaoko langileek
Abenduaren 13an hiru orduko lanuztea (09:45etik 12:45era) eta hilaren 21eko Santo Tomas egunean 24 orduko beste bat egitea onartu zuten atzo Metro Bilbao garraio enpresako langileek, goizean eta arratsaldean egindako batzarretan. Horietan 140 bat langilek parte hartu eta "%85ek" lanuztea babestea erabaki zuten, sindikatuetako iturriek jakitera eman dutenez. "Zuzendaritza hitzarmena urratzen ari" dela salatu nahi dute ekintza horiekin. Era berean, zuzendaritzak "langileen kopurua handitzeko, mantentze-lanak berregituratzeko, Gabon-gaueko zerbitzua, gidarien txandak antolatzeko… zenbait akordio bete ez" dituela salatu dute sindikatuek. Bitartean, Loly de Juan Metro Bilbaoko presidenteak "zentzutasuna" eskatu die langileei, hilabete honetarako deituta dauden greba egunak saihesteko. Horren ondotik, Santo Tomas egunean hainbat geltoki ixtea aztertuko dutela iragarri zuen atzo De Juanek, metroaren bosgarren bagoiaren aurkezpen ekitaldian egindako adierazpenetan. Argazkian, metroko langileak San Inazioko geltokian protestetako batean / © LAB Metro Bilbao.
Greba egun gutxiago dituen proposamen alternatibo bat onartu du langileen batzarrak. Hala ere, lanuzte ordu gehiago aurreikusten ditu proposamenak. Konkretuki, hiru orduko lanuztea egingo dute abenduaren 13an eta 24 orduko beste bat abenduaren 24an, Santo Tomas egunean. Abenduaren 13, 15, 21 eta 22an lanuzteak egiteko proposamena aurkeztu zuten atzo goizeko batzarrean. Hala ere, batzarrean zehar proposamen alternatiboa aurkeztu zuten. Proposamen berriak greba egun gutxiago aurreikusten ditu, baina lanuzte ordu gehiago.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun