Gizon bat atxilotu dute Leioan 10 urteko neska bati sexu-erasoa egiten saiatzea egotzita
Ertzaintzak 45 urteko gizon bat atxilotu zuen atzo Leioan, 10 urteko neskato bat hartu eta etxebizitza baten trastelekuan eraso egiten saiatzea egotzita. Eusko Jaurlaritzaren Herrizaingo Sailak adierazi duenez, 20:00ak inguru gertatu zen erasoa, gizonezkoa etxebizitza batera sartu, neskatoa hartu eta trastelekura eraman zuenean. Gaztea inondik inora azaltzen ez zela ikusita, bizilagunak bila hasi ziren eta eskaileretatik jaisten ikusi zuten gizonezkoa. Eskuan labana zeraman arren, bizilagunek geldiaraztea lortu zuten. Minutu batzuk beranduago Ertzaintza eta udaltzainak iritsi ziren eta gizona atxilotu zuten. Labanarekin bizilagunak erasotzea saiatu zen, polizia iturrien arabera, eta azkenean ustezko erasotzaileak toraxean zauri bat egin zuen. Argazkian, iazko uztailaren 11n Itzubaltzetan izandako bortxaketari 350 bat auzotarrek erantzun zioten elkarretaratzea eginez.
Herrizaingo Sailak zabaldu duenaren arabera, atxilotuaren asmoa ez ei zen adin txikiko neska hartzea, sexu-erasoa baizik. Aurrekari penalak ditu eta 1993an kartzelan egon zen indarkeria matxistagatik eta bortxakeriagatik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun