Udalak leku publikoetan ipini dituenak honako hauek dira: kontsumo txikiko 780 metro luzeko argi-hari mikro bonbilla edota LED (77,8 Kw.) argitxoekin eta beste 94 mikro bonbilladun apaingarri (1.435 metro luzeko eta 23,5kw-ko argi-hariaren baliokideak). Apaingarriak, Eduardo Coste kalea, Santa Ana plaza, Bizkaiko Zubiko plaza, Areetako etorbidea, Ganeta plaza, Artaza biribilgunea, Asuako errepidea, Arriluze, Zugatzarte, Basagoiti, Amezti, San Nikolas plaza, Euskalerria kalea, Manuel Gainza parkea, Bidezabal, Ormaza biribilgunea, Oiarretxe, Maidagan, Malakate, Andra Mari kiroldegia, Aingeruaren etorbidea, Villaondoeta eta Salsidu kaleetako hainbat lekutan jarri dira.
Merkatalguneak
Bestetik, Getxoko Udalak aurten, iaz bezala, udalerriko merkataritza guneetako argiztapenaren kostu osoa beregain hartuko du, "bezeroentzat ingurua erakargarriagoa egiteko, eta udalerriko merkatariek eta ostalariek euren jarduera gehitzeko". Getxo Enpresa eta Merkataritzarekin elkarlan estuan, eta "egungo egoera larria kontuan hartuta", Udalak kaleetako gabon argiak ordaintzeko herriko enpresak dirurik ez gastatzea nahi izan du, legealdi osoan egin duen bezala, "Getxoko enpresen aldeko apustuaren harira beste keinu bat eginez".
“GetxOn!”
Udalerriko 2.000 denda eta ostalaritza establezimenduak aurtengo eguberriko kanpainan “GetxOn!” marka berria sustatzen hasi dira jada. Horrela, marka hedatzeaz gain (triptikoak eta merchandising anitza banatuz). udalerriko mugimendu handiko gunetan tamaina handiko irudiak jarriko dira eta, kanpainako irudiarekin eta logo berriarekin, bezeroen artean banatzeko, 15.000 gabon-postal eta Olentzeroari bidaltzeko edo Gabonak zoriontzeko eskutitzak banatuko dituzte.
Udal agintariek eta Getxoko Merkataritzako mahaikideek gaur, astelehena, egingo dute gabon argiak pizteko ekitaldia, 18:30ean, Algortako Torrene eta Zabala kaleen elkargunean. 2012ko urtarrilaren 6ra arte egongo dira biztuta, igandetik ostegunera, 18:00etatik 22:30ak arte; eta ostiraletan, larunbatetan eta jaiegun bezperatan 18:00etatik gauerdira arte. Bigarren urtez, Getxoko Udalak beregain hartuko ditu argien instalazio eta mantentze gastu guztiak, (100.000 euro alegia, iazko kopuru berdina). Imanol Landa alkateak adierazi duenez, “jarduera hau, bizi dugun krisialdi larriaren aurrean, Udal Gobernu Taldeak bertoko merkataritzari ematen dion laguntzaren beste adibide garbi bat da”. Argazkian, iaz Areetako Andres Larrazabal eta Paulino Mendibil kaleen elkargunean egin zuten argiak pizteko ekitaldia / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun