Hautaketa egiterakoan kontuan hartuko da pertsonak langabezian daroan denbora. Horrez gain beste hauek ere baloratuko dira:
- Etxeko laguntzaileak: prestakuntza ikastaroak, arautuak eta ez arautuak, lanpostuarekin zerikusia dutenak, 300 ordukoak edo iraupen luzeagokoak. Bestetik, baloratuko da gutxienez urtebeteko lan esperientzia izatea etxeko laguntzaile lanetan.
- Administrari laguntzaileak: prestakuntza ikastaroak, arautuak eta ez arautuak, lanpostuarekin zerikusia dutenak, 300 ordukoak edo iraupen luzeagokoak. Bestetik, baloratuko da gutxienez urtebeteko lan esperientzia izatea administrari laguntzaile lanetan edo antzekoetan.
- Obrako enkargatua: gutxienez urtebeteko lan esperientzia izatea obrako enkargatu lanetan.
- Aisialdiko begiraleak: euskara jakitea, bigarren hizkuntza eskakizuna edo baliokidea izatea.
Aurkeztu beharreko agiriak:
- Errolda ziurtagiria.
- Nortasun agiriaren fotokopia
- Lan-bizitza, 2011ko azaroaren 30etik hona emandakoa
- Bizkaiko Foru Aldundiak emandako ziurtagiria, Sarrerak Bermatzeko Errenta jasotzen duela egiaztatzeko (Nicolas Alkorta kalea 4. Bilbo) edota
- Gizarte Segurantzak egindako egiaztagiria, kontribuzio-prestaziorik ez duela jasotzen egiaztatzeko (Iruña kalea 13, Deustua).
Erandioko Udalak 19 langabetu kontratatuko ditu 6 hilabeterako
2011ko abe. 5a, 12:12
Kontribuzio-laguntzarik izan ez eta diru sarrerak bermatzeko errenta kobratzen duten 19 langabetu kontratatuko ditu Erandioko Udalak, sei hilabeterako. Horietatik 13 gazteak izango dira, 18 eta 30 urte artekoak, udal iturriek zehaztu dutenez. Hurrenez hurren, hiru etxeko laguntzaile, administrari laguntzaile bat, obretako sei peoi, obretako enkargatu bat eta aisialdiko zortzi begirale hartuko dituzte. Kontratua egiteko ezinbesteko baldintza dira Erandion erroldatua egotea, langabetua izatea, inolako kontribuzio-laguntzarik ez jasotzea, eta Sarrerak Bermatzeko Errenta kobratzea modalitateren batean (hau da, gizarteratzeko eta gizarte-babeserako oinarrizko errenta zein lanagatiko diru-sarreren errenta osagarria). Interesatuek Erandioko Behargintzara jo beharko dute abenduaren 5, 7 eta 9an, goizeko 8etatik 15:00etara. Argazkian, Altzaga auzoan kokatutako Tartangako labadero zaharra berritzen ibili dira zortzi langabetu erandioztarrek / © Erandio.net.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun