Argala faxismoaren biktima dela aldarrikatuko dute larunbatean Udondo gaztetxean

Abenduaren 21ean beteko dira 33 urte Jose Miguel Beñaran Ordeñana "Argala" ETAko militante historikoa erail zutenetik. Bere autoaren azpian jarritako lehergailu batez hil zuten Angelun. Ekintza Batallon Vasco Español (BVE) delakoak hartu zuen bere gain. Horrenbestez, larunbat honetan, abenduak 10, hainbat ekitaldi izango dira Leioako Udondo gaztetxean Arrigorriagakoa gogoratzeko. 12:30ean, "Argala, borrokalari antifaxista" izenburuko hitzaldia emango du Txema Uriarte historialariak. 15:00etan, berriz, herri bazkaria egingo dute. Bazkalosterako, "Operacion Ogro" filmaren proiekzioa (17:00) prestatu dute. Amaitzeko, 20:30etik aurrera Erasoka eta Baltzak taldeek emango dute kontzertua. Sarrera 3 eurotan egongo da. Argazkian, Argala gogoratzeko kartela 2009ko Gudari Egunean.