Giza Eskubideen Nazioarteko Eguna ospatuko dute aurten Barrikan, Deklarazio Unibertsalaren ondorengo oinarrizko printzipioan oinarrituz: "Gizabanako orok bizitzeko, askatasunerako eta bere pertsonaren segurtasunerako eskubidea du" (3. artikulua). Horren harira, larunbat honetan, abenduak 10, hitzaldia eskainiko du Javier Galparsoro EAEko CEAReko presidente eta abokatuak. Hitzordua 12:30ean jarri dute udaletxeko beheko solairuan. Galparsoro orain dela 20 urte baino gehiago hasi zen lanean Errefuxiatuen Laguntzarako Espainiar Batzordean. Asilo eta Atzerritartasun Zuzenbidean da irakasle, gaia horren inguruan orotariko komunikabideetan zein espezializatuetan ere hamaika artikulu eta hainbat liburu idatzi dituelarik. Argazkian, Javier Galparsoro / cc-by-nc-nd agirregabiria.
CEAR Komisioaren helburua pertsona etorkin eta iheslariek harrera gizartean erabateko integrazioa lortzea da, kasu honetan euskal gizartean. Elkartearen zerbitzuak pertsona horien erabateko gizarteratze prozesua lortzera bideraturik daude, udal iturriek aipatu dutenez. Horretaz guztiaz hitz egiteaz gain, bere esperientzia pertsonalaz aritu da Javier Galparsoro.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun