Behin eskabide guztiak jasota, Jazzaldiaren epaimahaiak hautagaien behin-betiko aukeraketa egingo du martxoan. Hil horretan bertan finalean parte hartuko duten taldeen izena jakinarazi egingo da. Ohikoa denez, hautatutako lau finalistek esku-dirua jasoko dute, kontzeptu guztiak barne (bidaia, egile-eskubideak...), eta egonaldia antolakundearen esku egongo da.
Sariak
Finalista bakoitzak jaialdiko lehenengo lau egunetako batean joko du eta irabazlea berriro arituko da azken egunean. Sariei dagokienez, 3.750 euro jasoko dituzte irabazleek eta disko bat grabatuko diete zuzenean. Bigarren sariari 1.500 euro dagozkio eta, azkenik, bakarlaririk onenak 750 euro irabaziko ditu. Halaber, talde irabazleak Arriolako Jazz-Blues Jaialdian, Eibissako Jazzaldian eta Hoeilaarteko (Belgika) Nazioarteko Jazzaldian parte hartzeko aukera izango du, Getxoko Kultur Etxeak horiekin dituen hitzarmenei esker.
Getxoko Nazioarteko 36, Jazzaldiaren talde lehiaketan izena emateko epea zabalik dago jada. Txapelketa 2012ko uztailaren 4etik 8ra egingo da eta horretan parte hartu nahi duten talde guztiak urteko otsailaren 18ra arte inskribatu ahal izango dira. Jazz musika jotzen duen Europako edozein talde aurkez daiteke lehiaketara, joera edo estiloa zein den ere, Getxoko Kultur Etxeak adierazi duenez. Parte hartzeko gehienezko adina 30 urtekoa da, 2012 urtean betetzekoa eta inskribatzeko orduan kreditatu beharrekoa. Parte hartzeko eskabide orriei, taldearen kalitatearen egiaztagarri izan daitekeen edonolako materia erantsiko zaie. Taldeak grabatutako CD bat eta kalitate oneko argazki bat erabat ezinbestekoak dira. Interesdunek izena emateko inprimakiak eska ditzakete Algortako kultur etxean, Villamonten. On-line izena emateko aukera ere badago, ondoko helbidean: www.getxo.net/jazz. Argazkian, Carl Winther Trio 2011ko irabazleak / © Getxoko Kultur Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun