Errandakoa dela eta, Bilduk, berriz ere, eskatu nahi die eskumenak dituzten instituzioei neurri eraginkorrak har ditzatela, kontuan hartzen neurri horiek hainbat esparrutan eragitekoak izan behar direla, hau da, arazo sozial, bere osotasunean, aurre egiteko kapaz direnak (besteak beste, hezkuntza arloan).
Bilduk, emakumeok gugan konfiantza berreskura dezagun, baita gugan benetako nagusitasuna sor dezagun ere, emakumeen autodefentsaren alde dagoela adierazi nahi du.
Guzti honen harira, Bilduk bat egiten du abenduaren 13rako 19:00etan Bulebarrean Leioako emakume taldeek deitutako mobilizazioarekin.
Leioako Bildu
Bilduk Leioan, 2011ko abenduaren 3an, eraso sexistaren gainean zera adierazi gura du. Lehenik eta behin erasotutako neskari eta bere familiari gure babes eta elkartasun osoa adierazi nahi diogu. Bestalde, eta aspaldi hainbat eragilek aldarrikatu duten bezala, arazo sozial honi aurre egiteko harturiko neurriak, ezta martxan jarritako arkitektura instituzional osoa ere, eraginkorrak ez direla berriz ere salatu nahi du. Agerian da, Leioan gertatutakoa, baita beste hainbat herritan urtean zehar gertatzen direnak ere, gabezi estrukturala horren adibideetako hutsa izan dala gure herrian. Gehitu beharra dugu Leioan jazotakoa eraso bikoitza izan dala, hau da, emakumetasuna eta gaztetasunaren kontrako bortizkeria larria. Bestetik, hedabideek gertatutakoaren gaineko emaniko albisteak zeharo aseptikoak izan direla, hau da, arazo sozial honetan sakondu gabe berria eman dutela salatu nahi dugu. Gizarte honen erroetan zeharo helduta dauden arazo hauen gainean hedabideek ezin baitizkigute aurkeztu edozein arazo, kutsu sozial gabekoak, balira bezala. Are gehiago, askotan sentsazionalismo hutsa bilatzen dute, gizarteengan beldurra sortzeko baino ez helburua medio. Argazkian, hainbat emakume azaroaren 25eko elkarretaratze batean Leioan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun