Jardunaldi hauen bitartez, ADEAC erakundeak udal teknikari eta arduradun politikoak hondartzen kudeaketa jasangarrian lagundu nahi ditu, udalerriko hondartzetako erabiltzaileei jasangarritasunaren mezua helaraz diezaieten. Era berean, bandera urdina lortzeko hautagaitza aurkezten eta haren baldintzak betetzen lagundu nahi du ere.
Jardunaldiei buruzko bideo laburra (© Getxo.net)
Kantauri itsasoko hondartzetako bandera urdinak ugaltzeko trebakuntza jardunaldia burutu da gaur goizean Algortako Fadura udal kiroldegian. Bertan, Kantauri ekialdeko arduradun politiko eta teknikariak batu ditu Ingurumen-hezkuntza eta Kontsumitzailearen Elkarteak (ADEAC), Biodibertsitatearen Fundazioaren laguntzaz. Mintegiaren helburuak kostaldeko jasangarritasunaren aldeko ahaleginak hobeto bateratzea eta ingurumen-legedia betetzea izan dira. Goizean jorratutako gaien artean, 2012ko bandera urdinerako hautagaiak aurkezteko aholku praktikoak, salbamendu eta sorospena, hondartzei lotutako kostaldeko habitaten kontserbazioa eta ingurumen-hezkuntzarako ekintzak azaldu dituzte, espainolez. Argazkia: © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun