Segurtasunari buruzko sms-ak
Era berean, Udaltzaingoak "segurtasunari buruzko ohar-bidalketa sistema" martxan jarri du. Oharrak talde guztiei bidali edo zonaldeka zein kaleka pertsonalizatu daitezke mezu laburretarako talde ezberdinak erabiliz. Gaur arte, merkataritza, ostalaritza eta enpresa esparruko 500 establezimendu baino gehiagok baimena eman dute mezu horiek jaso ahal izateko.
Zerbitzu berri hori doakoa da eta bere bitartez zonaldean hauteman diren iruzur, lapurreta, billete faltsu edo beste delitu saiakeren inguruko alerta-mezuak jasoko dituzte harremanetarako aurrez beren sakelako telefonoen zenbakia eman dutenek.
Beste edozein merkatarik edota enpresarik segurtasun-oharrak jaso nahi baldin balitu, Udaltzaingoarekin harremanetan jarri ahal izango litzateke, 944 660 202 telefono zenbakira deituz.
Getxoko Udaltzaingoak Gabonetako segurtasun neurri bereziak martxan jarri ditu. Besteak beste, polizia gehiago eta merkatarientzako sms zerbitzua jarri dituzte urtarrilaren 6an amaituko den kanpainan. Getxoko Udal Gobernuaren arabera, "udalerriko herritarren eta merkatarien segurtasuna indartzeko" balioko du "delinkuentziaren kontrako" ekimena. Izan ere, tokiko iturriek zabaldu bezala, "aurreko urteetan egindako antzeko kanpainek salaketak eta delituak murriztea eragin zuten". Polizien presentziari dagokionez, "kaletik dabiltzan udaltzainak, herritarrekin harremana dutela, udalerriko hirigune nagusietan zehar ibiliko dira", Udaltzaingoak adierazi duenez. Horrela, hiru astez, saltokiak zabalik dauden orduetan, dendak dauden eta jende gehiago dabilen lekuetan zaintza indartu eta salmenta ibiltaria kontrolatuko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun