Emakumeen Elkarteak, Ballet Adagiok, Nagusien Etxeko abesbatzak eta areto dantza taldeak, elizako koruak, Musika Eskolak, Kultur Etxean dantza modernoa egiten aritutako kolektiboak eta ACADAE Arte Eszenikoen Lagunen Kultur Elkarteak parte hartuko dute Berango Antzokiko urteurreneko ekitaldian. Hitzordua igande honetan, abenduak 18, jarri dute, 18:00etan. "Talde bakoitzak saio laburra prestatuko du, 20 minutukoa, aurretik aurkeztuta bata besteari lotuta joango dena". Hori azaldu du muntaia koordinatu duen Fernando Ansoleagak, elkarte berangoztarrei protagonismoa emanez. Aurreko egunean, larunbatean, euskal dantza emanaldia eskainiko du Simon Otxandategik Berango Antzokian, 19:30etik aurrera, Gabonetako egitarauari hasiera emanez. Argazkian, balletak ere izango du lekua urteurrenean / © Berangoko Albisteak.
Ansoleagak nabarmendu duenez, antzokiaren urteurrena "aukera paregabea da taldeek egiten duten lana ikusteko". Bere ustez, "kultur-bizitza bizkortzeko" balio dute horrelako ekimenek. "Ona izango litzateke ikusle hutsa izan beharrean, jendeak aktiboki parte hartuko balu". Quintero anaien "Mañanas de sol" 20 minutuko lanarekin amaituko da ekitaldia. Denbora eta bizitza zein azkarren igarotzen diren agerian uzten du obrak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun