Egin Dezagun Bidea ekimenaren mobilizazio deiarekin bat, ostiral honetan, hilak 16, euskal preso politikoen eskubideen aldeko elkarretaratzea egingo du Berangoko Bilduk. Hitzordua 13:30ean jarri dute udaletxe aurrean. Halaber, koalizioko zinegotziak baraualdira batuko dira egun horretan, presoen eskubideak aitortuak izan daitezen aldarrikatzeko. Era berean, urtarrilaren 7an Bilbon izango den manifestaziorako deia luzatu diete berangoztarrei. "Espetxeetako egoera errotik aldatzeko unea heldu da. Munduan eman diren prozesu politiko desberdinetan gertatu den bezala, Euskal Herrian ere preso politikoen errealitateari konponbidea eman behar zaio eta konponbide politikoaren baitan beraiek ere protagonismoa izan behar dute", azaldu du Berangoko Bilduk. Argazkian, Sei Herri elkarteak Berangon egindako ibilaldi neurtuan espetxeratutako herrikideak gogoratu zituzten. Panela kendu du jada Udalak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun