Bitartean Algortan eta Leioan aurrera jarraitzen dute ekimenekin eta bideo bana atera dute, urtarrilaren 7ko mobilizazio orokorrera deituz.
Algortako herri bilguneak plazaratutako bideoa:
Leioako herri bilguneak ekoiztutako bideoa ikusteko sakatu hemen.
Euskal preso politikoen eskubideen aldeko herri bilgunearen lehenengo urratsa eman zuten joan den ostiral arratsaldean Sopelan. Aipatu eragilearen "ezaugarri zabalak eta anitzak" azaldu ostean, gonbidapena egin zieten talde eta pertsona ezberdinei gune horren partaideak izan daitezen eta bere ekarpenak egin ditzaten. Udaletxeko sarreran egindako agerraldian Ezker Abertzalea, Eusko Alkartasuna, Aralar, Alternatiba eta Berdeak alderdiez gain, beste eragile batzuen ordezkariak eta herritarrak egon ziren, Sopela.net agerkari digitalak adierazi duenez. Asteazkenean berriro bilera egingo du herri bilguneak eta bertan parte hartzeko deia egin dute. Hemendik aurrera kontaktuen dinamika egonkortuko dute presoen aldeko ekimenak guztion artean erabakitzeko eta burutzeko. Ekimen hurbilen artean datorren abenduaren 23an presoen aldeko Olentzeroa herriko kaleetatik aterako dute. Argazkia: © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun