Bigarren lapurreta asteburuan ordu txikitan gertatu zen eta Udaltzaingoaren egoitzara egindako dei telefonikoaren bitartez izan zuten horren berri. Udaltzainak Areetako Kale Nagusiko taxi geralekura joan ziren, non gazte batek esan zien minutu batzuk lehenago beste gazte batzuk Kresaltxu eta Santa Eugenia kaleen artean lapurtu ziotela eta horiek “Putzegilea” izeneko biribilgunerantz alde egin zutela. Antza, haietariko batek labana erakutsiz mehatxatu zuen eta, hori dela eta, mutilak bere motxila eman zion, barruan wii kontsola bat, mandoak, diru-zorroa, eskuko telefonoa eta Ipod bat zeuzkala. Udaltzainak horien bila joan ziren eta Gobelaurre kalean topatu zituzten, motxilarekin eta lapurtutako tresna elektronikoekin, udal iturrien arabera. Ondoren atxilotu zituzten. P.C.F.J., 18 urteko Getxoko auzokidea epailearen aurrera eraman zuten eta ustezko bigarren lapurra, 16 urteko adingabekoa, bere gurasoen esku geratu zen.
Urruntzeko agindua haustea
Bestetik, “Getxoko udalerrian, Algortako auzora hurbiltzea espresuki debekatuta…” epaitegiak igorritako kautelazko neurria daukan 26 urteko gaztea epailearen aurrera eramango zuten atzo. Gizon gaztea herenegun atxilotu zuten udaltzainek 19:15ean, Portu Zaharrean topatu ondoren.
Udaltzaingoak 35 urteko gizon getxoztar bat atxilotu du asteburuan Areetako etxe bateko garajean indarkeriaz egindako lapurreta egotzita eta, udalerriko beste bizilagun bat, 18 urtekoa, Itzubaltzeta / Romon beste gazte bati motxila larderia erabiliz ebaztea leporatuta. Lehenengoari dagokionez, atxiloketa igandean izan zen, 06:00ak inguruan, Udaltzaingoaren Koordinazio Zentroan dei telefonikoa jaso ondoren, Areetako komunitate-garaje batean kolpe gogorrak entzuten zirela esanez. Udaltzainak bertaratuta, gizon bat topatu omen zuten aldean kiroletako poltsa gorria zeramala, baita padeleko 5 erraketa eta teniseko beste 2 erraketa ere. R.G.C. Getxoko 35 urteko auzotarrak gauza horiek guztiak kotxe baten barrutik lapurtu zituela onartu zuen, udal iturrien arabera. Badaezpadako araketa egin ondoren, udaltzainek kotxe baten kristala apurtzeko mailu bat ere poltsa barruan zuela, eta gabardinaren poltsikoetan lapurtutako beste gauzak eta erremintak zeramatzala konprobatu ei zuten (eguzkitako betaurrekoak, eskumuturrekoak, garajeko mando bat, aliketak, labana bat...). Tokiko poliziek atxilotu egin zuten indarkeriaz egindako lapurreta egotzita. Herenegun bertan epailearen aurrera eraman zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun