2000ko abenduaren 24an, Koska irratia uhinetara zabaldu zen lehenengo aldiz. Abiapuntu horretan, komunikazio proiektuaren aurkezpena egin eta Algortan Olentzerori egindako harrerarekin konektatu bitartean kanta bat jarri zuten, Lekeitioko Txapelkunk taldearen "Zergatik ez?" abestia, "zergatik Olentzero ez doa Afrikara?" galdetzen zuena. Hamaika urte beranduago, "Koska badoa" esan digu eskualdeko irrati libreak, Justuri irrati euskaldunari lekua uztearren. Bitartean, ez dakigu Olentzero Afrikara joan denetz baina Iru bere ilobak munduari bira eman dio, kontinente beltzetik ere igaro dela, arraun makila eta guzti. Bada, Olentzeroren ilobak aurten Marokon ateratako hainbat argazki ikusgai izango dira Kultur Leioan, bihartik, astelehenetik, urtarrilaren 9ra arte. Argazkian, Iru sendi ohiturari jarraituz opariak Marokon banatzen / © Arrauntheworld.com.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun