"Izu Giroa" euskaraz argitaratzen den punk eta hardcore musikari buruzko fanzinearen 20. zenbakia kalean da jada. Aldizkaria edukiz beteta dator. Izan ere, elkarrizketei dagokienez, eskualdeko Pornosaurio taldeaz gain, honako talde hauekin solastu dira: Los Monjo, Belgrado, Government Flu, The Capaces, Mary's Kids, Pleonakis Plektos eta In-Defence. Era berean, azken boladan argitaratutako bi liburu garrantzitsuren idazleekin ere mintzatu dira. Ibon Apezetxeak "Kalekumeak: Los Opressed de la Bella Easo" idatzi du eta Jordi Llansamak, ordea, "Harto de Todo". Bestalde, Siberiako Orgasm Nostradamus taldearen inguruko erreportajea argitaratu du Aitor Apurtuk. Gainera, hainbat disko, liburu eta kontzerturen iruzkinak dakartza "Izu Giroa"-ren neguko zenbakia. Azkenik, fanzineak 10 urte beteko ditu datorren urtean eta erredakzioko kideek hainbat sorpresa prestatu du dagoeneko. Haiekin harremanetan jartzeko, izugiroa[abildua]hotmail.com posta elektronikora idatz daiteke. Argazkian, Algortako Eztabaida gune antiautoritarioa da "Izu Giroa"-k Uribe Kostan duen salmenta toki bakarra.
Aldizkariko azala
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun