EHUko Ikasle Kontseilua, beraz, pozik dago Konstituzio Auzitegiak hartutako erabakiarekin, justiziak oinarrizko eskubideak urratu zituela erakutsi duen epaiarekin. Ikasle Kontseiluaren iritzian, orain garrantzitsuena eginiko kaltea konpontzea da, eta presoei EHUn ikasteko aukera ematen zien protokoloa bertan behera utzi aurreko egoerara itzultzea.
Amaitzeko, uste dugu Mariano Raxoiren gobernu berriaren eginbeharra dela hitzarmen bat ahalbidetzea espetxeetako zuzendaritzaren eta EHUren artean, edozein presok EHUn ikasteko duen eskubidea bermatzeko. Unibertsitateen Lege Organikoaren 46. artikuluak babesten duen eskubide bat da.
EHUko Ikasleen Kontseilua: "Raxoiren eginbeharra da hitzarmen bat ahalbidetzea edozein presok EHUn ikasteko duen eskubidea bermatzeko"
Ikasleen Kontseiluak bere poza adierazi nahi du Konstituzio Auzitegiak eman duen sententziagatik; epai horri esker, EHUk hezkuntza zerbitzuak eskaini ahal izango dizkie presoei. Horrekin batera, kezka adierazi nahi du estamentu judizial batzuek EHUren unibertsitate-autonomia urratu zutelako, eta EHUk, legez kanpoko epai batengatik, bertan behera utzi behar izan zituelako 2009an 57 presoren matrikulak. Uste dugu Espainiako gobernu berriak urratsak egin behar dituela gure herriaren normalizazio-prozesuan, eta utzi egin behar diola EHUri espetxeetako administrazioarekin hitzarmenak egiten, edozein ikaslek edozein unibertsitatetan matrikulatzeko duen eskubidea babesteko. Argazkian, 2009ko abenduaren 16an, euskal presoek EHUn ikasteko eskubidea dutela aldarrikatu zuten Leioa eta Erandioko campusean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun