Astearteko Osoko Bilkuran, eta EAJ, PP eta PSE-EE alderdietako zinegotzien aurkako bozekin, Getxoko Bilduko Udal taldeak aurkeztutako euskal presoen eskubideen aldeko mozioa errefusatu zuen Udalak. Beste argudioen artean, urtarrilaren 7an Bilbon egingo den manifestaziorako deialdiarekin bat ez egitea azaldu zuten EAJkoek Bilduk aurkezturiko mozioaren aurka bozkatzeko; beste arrazoi batzuk ere bazirela aitortu arren, ez zituzten horiek aipatu, eta, esan bezala, bozketan bat egin zuten PP eta PSE-EE alderdiekin. Dena den, eta Getxoko Udalaren babesa ez izan arren, hainbat getxoztarrek dagoeneko beren atxikimendua adierazi dute, bai urtarrilaren 7ko manifestazioarekiko bai abenduaren 30ean Algortan egingo den kontzentrazioarekiko. Argazkian, Getxoko udaletxe aurrean egin zuten presoen aldeko elkarretaratzea hilaren 14an 25 lagunek, Bilduk deituta.
Hilaren azken ostiralean, Algortako Egin Dezagun Bideak deituta, eta gonbidapen-katearen bidez zabalduta, asko bilduko gara euskal presoen eskubideen alde Telletxen, gaueko 8etatik 8:30era.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun