Alex bateriajoleak argi izan du Erandion hasi zena Erandion bukatu behar zela: "Gure agurra gure sorterrian egin gura genduan. Diegoren asmoa Bilboko Kafe Antzokian egitea zan, baina snob hutsa dalako. Ganera, abenduaren 30ean Mikel Urdangarinek aurkeztuko dau bere azken diskea bertan. Gizarajoa! Galduko dau aukera paregabea (eta bakarra) Bapo Morganen hileta ikusteko, kar, kar, kar!".
Etorkizunari begira
Argi dagoena da banatze prozesuak ez diela umorea aldatu. Juanek, adibidez, horrela irudikatzen du hemendik aurrerako lana: "betidanik eguraldi iragarpenen musikea egin gura izan dot, eta orain patuak aukera paregabea eskeintzen deust hori abian ipinteko, taldearen zama behin kenduta. Halanda be, buruhandi izatearen bokazinoa oso gogorra da neure baitan, beraz ikusteke dago". Diego "Berrifin"-ek, ordea, musika mundua baztertu gura ei du: "bai, oraindino aztertu behar dot ondo, baina etorkizunean Athleticen sukaldari moduan ikusten dot neure burua, neure espezialitatea kroketak pil-pilean izango da. Musika barik, talde barik, astakirten barik inguruan".
Baina balizko banu eta banintz horietan ere ez da omen bakerik taldekideen artean. Jon Kowalski jadanik hasi da Diego zalantzan jartzen, "orain arte sukaldean jardun dan bakarra neu naz, beraz etorri barri zikin horrek ez dakit zer espero dauan", bezalakoak esaten. Bere aldetik, Alex sakonena izan da datorrenaren iragarpenean: ez, ez dago erremediorik. zabor zaku alu horreek zer esan daben ez dakit baina 30aren ostean ez da etorkizunik egongo eurentzako, horretaz neu arduratuko naz eta".
Erandioko Bapo Morgan musika talde euskaldunak bihar, ostirala, azken kontzertua emango du bertako Sentinel aretoan. Iluntzeko 8etatik aurrera azken aukera izango da Juan Morgan, Alex de Isusi eta Diego Berrifin-ek berezkoak dituzten rock doinu umoretsu guztiak entzuteko, errepertorio osoa joko dutela. Gainera, Javier de Isusi eta Infame & Co komiki egileek jai giroa jarriko diote Bapo Morganen hiletari eta ez dira faltako gonbidatu bereziak, hala nola, Jon Hanni taldeko bateria jole ohia, Jon Kowalski "Guitar Hero" zalea eta ohiko kolaboratzailea, Jon Montanchez itzubaltzetarra, Ehiztari taldeko abeslari ohia, Ziortza Laparta eta Alvaro Merino. Musikari txorierritarrek urrian erabaki zuten banatzea, elkarrekin sei urte jotzen eman ostean. Denbora tarte horretan bi disko, dokumental bat, bideoklip batzuk eta hainbat kontzertu utzi dituzte atzean. Taldeari amaiera jartzeko arrazoi nagusia denbora falta izan da, baina badago ere beste proiektu batzuk jorratu gura dituena, Bapo Morganeko kideek zabaldu dutenez. Argazkia: © Bapo Morgan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun