Berango Antzokia elkarteek beraien lana agerian jartzeko "erakusleiho egokia" iruditzen zaio Ansoleagari. "Giro hori jarraitzea" gustatuko litzaioke: "horrelako emanaldiak egiten jarraitu, elkarren arteko harremanak sendotu eta beste hainbat pertsona ilusio handiz buru belarri ari direla ikusi, alegia". Baieztatu duenez, taldeen arteko etorkizuneko elkarlana sustatzeko ere balio du urteurreneko ospakizunak. "Hurrengo urtean berrikuntza batzuk sartzea nahikoa da", Ansoleagaren esanetan. ACADAE Arte Eszenikoen Lagunen Kultur Elkartearen antzezlanarekin bukaera eman zioten ikuskizunari. Txora-txora eginda, ikusleek txalo zaparrada eskaini zieten, agurtzera, Berango Antzokiko eszenatokian berriro batu zirenean.
Bere aldetik, Izaskun Labeaga Kultura zinegotziak "elkarte guztiek egindako lan handia" goraipatu zuen. "Udal langile eta elkarteetako kide guztiei eskertu behar zaie egindako esfortzua. Buru-belarri aritu dira. Guztiok gozatu ahal izan genuen ikuskizun bikaina eskaini ziguten. Gure kulturari bizia eman zioten eta kultura Berangon bizirik dagoela frogatu zuten. Kultura parte-hartzailea sustatzeko harrobirik onena eta zirraragarriena dira", adierazi zuenez.
Urtean zehar ia 6.000 ikusle izan dira Berango Antzokian. Dagoeneko 4.870 ziren 2011ko azarorako, udal iturriek zehaztu dutenez. Abenduan, berriz, bisitarien kopurua handia izan zen eta tokiko elkarteek "berebiziko parte-hartzea" izan zuten. Urteurrena ospatzeko, hilaren 18an aretoa bete zuten talde berangoztarrek, txalo zaparrada jasoz. "Berangon izaten diren ekitaldi ezberdinen laginketa egitea zen asmoa. Egia esan, asko egiten direla konturatu gara". Urteurreneko emanaldiak –20 minutu ingurukoak– koordinatzeaz arduratu zen Fernando Ansoleagaren aburuz, gauzarik esanguratsuenetariko bat izan zen "jendea oso animatuta zegoela, eszenatokira atera eta ondo egiteko gogo handiekin. Asko lagundu zuten guztiek". Orotara, adin guztietarako 70 ekitaldi baino gehiago izan dira 2011n Berango Antzokian: zinema sesioak, ballet edo antzerki emanaldiak, kontzertuak, bertso saioak... Abenduko datu guztiak aztertzea oraindik falta dela, maiatzean izan ziren ikusle gehien (822), atzetik ekaina duela (745). Irailean egon zen ikusle kopururik txikiena: guztira, 152 lagun, hiru ekitalditan. Argazkian, urteurrenean taldeek jasotako txalo zaparrada / © Berangoko Albisteak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun