Altzaga
18:00 Errege Magoei harrera Jado ikastetxean, Erandioko Errege Magoen Desfilea elkarteak antolatuta.
Astrabudua
18:00 Desfileak, Gazte Unamaz Alkartuak taldeak antolatuta.
Berango
19:30 Erregeen kabalgata Berangoetako kultur etxetik frontoiraino. Harreraren ostean, DJ Xaibor-en emanaldia.
Getxo udalerria
18:00 Desfilearen lehenengo zatiaren hasiera Getxoko Andra Mari kiroldegitik. Maidagan eta Aingeruaren Etorbidea igarota, Algortan sartuko dira Telletxe eta Mariandresena kaleetan zehar, Kasinoaren aurrean amaitzeko.
19:00 Errege Magoak Algortako kultur etxera (Villamonte) joango dira, txikiekin mintzatzeko.
19:30 Desfilearen bigarren zatia, Areeta eta Itzubaltzeta / Romon zehar. Areetako Etorbidean hasita, ibilbidea honako hau izango da: Kale Nagusia, Ezekiel Agirre, Kresaltxu, Gorbea eta Gobelaurre.
20:15 Errege Magoak Areetako Andres Isasi Musika Eskolaran joango dira, haurrekin egoteko.
Gorliz / Plentzia
18:30 Desfilea Eliz plazatik abiatuko da, Itsasbide eta Areatza zeharkatuta, 20:00etan Plentziako Astillero plazara heltzeko.
Lamiako
18:00 Desfilea Langileria kalean barrena, Lamiakoko jai batzordeak antolatuta.
19:00 Harrera Lamiako Antzokian.
20:00 Txokolatada.
Leioa
18:30 Errege Magoei harrera Kultur Leioan.
Sopela
18:00 Larrabasterrako Urgitxieta plazatik udaletxera arteko bidea egingo dute Meltxor, Gaspar eta Baltasarrek.
Uribe Kosta eta Erandion barrena ibiliko dira bihar Meltxor, Gaspar eta Baltasar
Uribe Kosta zein Erandioko hainbat herri eta auzo bisitatuko dituzte bihar, osteguna, Errege Magoek. Besteak beste, Gazte Unamaz Alkartuak taldeak deituta, 18:00etan abiatuko dira Meltxor, Gaspar eta Baltasar, Astrabuduan zehar desfilea egiteko. Ordu berean jarri dute hitzordua Jado ikastetxean Erandioko Kabalgataren Lagunek. 18:00etan ere Andra Mari kiroldegitik abiatuko da kabalgata, batetik, Getxo eta Algorta; eta bestetik, Areeta eta Itzubaltzeta / Romo zeharkatzeko. Gorlizen, 18:30ean hasiko da desfilea Eliz plazan, Itsasbide eta Areatza zeharkatuta, 20:00etan Plentziako Astillero plazara heltzeko. Bitartean, Lamiakon, 18:00etatik aurrera igaroko dute Langileria kalea Errege Magoek, tokiko jai batzordeak antolatuta. Ordu bete beranduago egingo diete harrera Lamiako Antzokian eta 20:00etan txokolatada egongo da. Kultur Leioan, berriz, 18:30ean izango dute harrera. Sopelari dagokionez, 18:00etatik aurrera, Larrabasterrako Urgitxieta plazatik udaletxera arteko bidea egingo dute Meltxor, Gaspar eta Baltasarrek. Azkenik, Berangon, 19:30ak aldera, Berangoetako kultur etxetik frontoiraino desfilea egin eta bertan egingo diete harrera Errege Magoei. Horren ostean, musika emanaldia eskainiko du DJ Xaibor-ek. Argazkian, Gaspar neskato bat altzoan, artxiboko irudian / © Berangoko Albisteak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun