Larunbat honetan, urtarrilak 7, 2011ko Pop Rock Lehiaketako irabazleen abestiekin argitaratutako CDaren aurkezpena egingo dute Kultur Leioan, gaueko 9etan. Ekitaldian kontzertua eskainiko du Last Fair Deal talde irabazleak. Musika saioa ikusteko beharrezkoa izango da aldez aurretik gonbidapena jasotzea Aterpe Leioa Gaztegunean (944 055 850 / gazte@leioa.net), udal iturriek zehaztu dutenez. Esan bezala, Last Fair Deal taldea suertatu zen irabazle iazko Leioako Pop-Rock Lehiaketan. Leioaztarrek pop-rock sariarekin eta lehiaketaren sari orokorrarekin egin ziren. Metal saria, berriz, Leioa eta Bilboko Quaoar taldeak irabazi zuen, eta horrekin batera Ikuslegoaren saria ere eskuratu zuen bandak. Leioako Udala saria Averno taldekoek irabazi zuten, udalerriko talderik onena izateagatik. Eta azkenik, Euskara Zerbitzuak ematen duen saria Galdakaoko Ero taldeak jaso zuen “Malko izoztuak” abestiagatik. Argazkian, Leioa eta Bilboko Quaoar taldeak eskuratu zuen ikuslegoaren saria / © Quaoar.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun