Euskarazko beste aldizkari bat desagertzen da Euskonews Gaztearekin. Gure hizkuntzaren osasuna ez da hain ona, orain geuri dagokigunaren moduko erabaki traumatikoen aurrean isilik egoteko. Pena da, beraz, euskarak normaltasunerako bideak egiten diharduen bitartean, Euskonews Gaztearen gisako euskarriak itxi behar izatea. Euskara, euskaldunok eta gazteria dira galtzaileak.
Eskerrik asko, bost urte hauetan eskaini diguzun arretarengatik. Zu hor egon zarelako aritu izan gara ilusio eta kemenaz. Helburu batzuk genituen lehen zenbakia atera genuenean eta bete ditugulakoan gaude.
Hala, jakinarazten dizugu, bihar, 2012ko urtarrilaren 6an ipiniko dugula sarean gure azken alea. Ziklo bat itxi nahi izan dugu modu honetan, hilaren 12an betetzen baita astekaria ostiralero zuengana iristearen bosgarren urteurrena.
Gure eskerronarekin batera, har ezazu beti arte bero bat,
Zuriñe Velez de Mendizabal, Euskonews Gaztea astekariaren koordinatzailea
Kaixo, lagunak. Albiste triste batekin gatozkizu. Izan ere, Eusko Ikaskuntzaren ekimenez 2007ko urtarrilaren 12an aurrenekoz argia ikusi zuen gazteei zuzendutako euskarazko astekari honek, Euskonews Gazteak, arrazoi ekonomikoak tarteko, argitaratzeari utzi behar dio. Bost urtez aritu gara Euskonews Gaztea egikaritzen, eta ohorea izan da gure irakurleengana Euskal Herri osoko gazteen idazlanak helaraztea. Oso gustura ibili gara asteroko edukiak prestatzen eta euskal gazte askoren kezka eta iritziak azaldu ahal izan ditugu, aldez aurretik bat ere baldintzatu gabe. Argazkian, azken agurra irudikatzeko erabilitako muntaia / © Euskonews Gaztea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun