MoviStar taldeko Jonathan Castroviejo txirrindularia izendatu zuten 2011ko Getxoko kirolaririk onena, atzo Algortako Fadura kiroldegian egindako “Getxo Sasoi Sasoian” Kirol Sarien Galaren bosgarren edizioan. Hainbat komunikabideetan lan egiten duten zortzi kazetari getxoztarrek 21:00ak aldera ezagutzera eman zuten erabakia, Ivan Martin bozeramaile zela. Castroviejo hamaikagarren tokian sailkatu zen Erlojupeko Munduko Txapelketan, Espainiako txapeldunordea izan zen modalitate horreta eta Romandiako Biran aurreneko etapan irabazi zuen. Txirrindulari getxoztarra bi aste barru hasiko da lehian Argentinako San Luiseko Biran eta oso pozik agertu zen jasotako sariketarekin, batez ere bere herrian delako. Argazkian, Castroviejo, saria Imanol Landa alkatearen eskutik jasotzen / © Getxoko Udala.
2011ko Getxoko kirolaririk onenaren saria jasotzeko lehian, beste hiru lagun izan zituen Jonathan Castroviejo txirrindulariak: Ilargi Garcia, Espainiako haur mailako txapelduna taekwondon; Jonas Ramalho Athletic-eko jokalaria, Espainiako selekzioarekin txapelduna 19 urte beherako mailan; eta Cristina Gutierrez, Euskadi, Espainia eta Munduko txapeldunordea kirol arrantzan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun