Uribe Kostako Zerbitzu Mankomunitatea "oso konbentzituta" dago, bizikletak, eskualdeko mugikortasunaren baitan "oso paper garrantzitsua" duela eta hala izan behar duela. Hori dela eta, aipatu garraioan egiten diren joan-etorriak sustatu, bultzatu eta hobetzeko asmoz, “Bizikleta Sarea” deritzon proiektua ari dira, lantzen, ondorengo helburuarekin: "Uribe Kostako Zerbitzu Mankomunitatea osatzen duten 7 udalerriak (Barrika, Berango, Gorliz, Lemoiz, Plentzia, Sopela eta Urduliz) lotzen dituen bizikleta sarea osatzeko aukerak zehaztea". Hori lortzeko, herritarren iritzia ere kontutan hartuko dute. Ildo horretan, bi batzar egingo dituzte proposamenak eta iradokizunak jasotzeko: bata, hilaren 17an (asteartea), 19:00etan, Sopelako Kurtzio KulturEtxean; eta bestea, 19an (osteguna), 19:00etan, Gorlizeko Teresianoetako gelan. Argazkian, Uribe Kostako Umeen Bizikleta Festa, artxiboko irudian / © Berangoko Albisteak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun