Gorripidea: "Sortze batzarra"

Erabiltzailearen aurpegia Ukberri 2012ko urtarrilaren 28a

Gaur, larunbata, hilak 28, Gorripidea taldeak bere sortze batzarra ospatu du. Gorripidea Zutik taldearen ildo bat izan da 2011ko abendua bukaeran eman zen Zutiken desagerpenera arte. Gorripideak Zutik taldearen historia bere gain hartu eta aldarrikatzen du, Zutiken desagerpenera arte bertako parte izan baita. Gorripidea Euskal Herria mailako erakunde independente bezala sortzen da egungo eredu kapitalista, garapenzale eta heteropatriarkatuaren eraldatze erradikala bultzatzeko helburuarekin. Gorripidea txertatzen den ezker erradikalaren (antikapitalista, ekologista eta feminista) lehentasunezko helburua zibilizazio eredua aldatzean datza. Argazkian, Joxe Iriarte "Bikila" Gorripideako kidea Akonkaguako tontorrean (6.959 m) / copyleft Gorripidea.

Eraldaketa prozesu hori modu batean edo bestean hainbat esparrutatik horren alde lanean dabiltzan eragile politiko eta sozial desberdinekin batera aurrera eramateko asmoa dauka. Gorripideak egunero bidegabekerien eta errepresioaren aurka borrokatzen duten talde politiko eta sozialekin bat egitea espero du. Egoera hori geroz eta desberdintasun gehiago dituen eta populazioaren gehiengoari miserian eta esplotazioan bizitzera kondenatzen duen sistema sozialak sortzen du. Aldi berean, Gorripideak Autodeterminazioaren defentsa zorrotzarekiko konpromisoa hartzen du, berau demokraziaren sakontzea eta nazio askatasuna eta aske erabakitzeko eskubidearen sinonimo bezala ulertuta.

Sortze batzarrean, Gorripideako ehun arduradunek programa eta antolaketa proposamena eztabaidatu dute, eta mugimendu soziopolitiko bezala definitzea onartu dute.

Hurrengo batzar batean, udazkenean, gaur eztabaidatzen hasi diren jarduera ildoak zehaztuko dituzte.

Gorripidearen manifestua

Iritzia
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun