Euskarari bultzada eman nahian, urte hasierarekin egitasmo berria abian jarri du Leioako Berbalagun egitasmoak: Gurasolagun. Udalerriko ikastetxe ezberdinetan, Altzaga ikastola, Betiko ikastola eta Txomin Arestin, iada martxan dagoen proiektua da. Gutxinaka-gutxinaka, taldeak sortzen ari dira, eta badakite euren esku dagoela egitasmoa aurrera eramatea. Hilabetero ekintza bat prestatuko dute denen artean, jendearen proposamenak kontutan hartuz. Gurasolagun egitasmoari hasiera emateko, pizza tailerra egingo dute urtarrilaren 24, 25 eta 30ean, San Bartolomeko txokoan. Ordutegia 18:00etatik 20:00etara izango da. Finean, "umeek eta gurasoek elkarrekin euskaraz aritzeko aukera" sortu nahi dute, "bide batez ere, imajinaziorako tartea utziz". Argazkian, guraso eta seme-alabak elkarlanean Egizu Getxo Euskaldun! elkarteak antolatutako tailerretan / cc-by Egizu!
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun