Alderdiaren estatutuei dagokienez, EAJren Batzar Nagusian egindako aldaketak dira nabarmenenak. 71 kide izatetik 100 partaide izatera pasatuko da. Horietatik, 15na izango dituzte Araba, Bizkaia, Gipuzkoa eta Nafarroa; 5na izango dira Ipar Euskal Herriko eta diasporako ordezkariak; eta, azkenik beste 30 herrialdeen artean banatuko dira militante kopuruaren arabera. Horrela, Batzar Nagusian Bizkaiko pisua errealitatearekiko antza gehiago izango du, bertan alderdia osatzen duten 33.000 lagunetatik 24.000 afiliatu baitira.
Beste aldetik, "Euskadi Nazioa Europan" agiria berretsi dute jeltzaleek. Txostenak 2015erako data ezarria du Espainiako Estatuaren eta Euskal Autonomia Erkidegoaren arteko harremanetarako estatus politiko eta juridiko berri bat adosteko. Testu horrekin batera, krisialdi ekonomikoa gainditzeko 250 proposamen biltzen dituen "Etorkizuna lantzen" txostena ere onartu du Batzar Nagusiak.
Etorkizun motzean, Ajuria Enea eta Eusko Jaurlaritza berreskuratzea jarri du helburutzat Iñigo Urkullu EBBko presidenteak.
Koldo Mediavilla
Mediavilla 1961eko maiatzaren 5ean jaio zen Bilbon, sendi abertzale batean. 16 urte zituela EAJko alderdikide bilakatu zen eta egun Algortako Uri Erakundeko kidea da. Kazetaritza ikasi zuen EHUn eta 1983an "Deia" egunkarian hasi zen lanean. Bi urte beranduago "Euzkadi" aldizkariaren zuzendaritza ardura hartu zuen, pare bat urtez. 1995ean, "Deia"-ra bueltatu zen ohiko iritzi-emailea bihurtuz. Urte horretan, Euskal Irrati Telebistako batzarkidea aukeratu zuten eta bertan jarraitu zuen 2009ra arte. Aldi berean, 1999tik 2002ra, RTVEk EAEn duen Aholkularitza Kontseiluko presidentea izan zen. Garai horretan, "Hermes" gogoeta eta historia aldizkariko zuzendaria izan zen.
Baina, Bizkaiko Foru Aldundian ere karrera egin du Mediavillak. 1999 eta 2003 bitartean Komunikazio eta Kanpo Harremanetarako Zuzendaritza Nagusiko arduraduna izan zen. Ondoren, Bizkaiko Foru Aldundiko Lehendakaritzaren idazkari nagusia bilakatu zen, askoren arabera "Jose Luis Bilbaoren laguntzailerik gertuena". Bertan lan egin du pasa den foru hauteskundeetan Busturia-Uribeko barrutitik foru legebiltzarkide aukeratu zutenera arte. Ondoren, Batzar Nagusietako lehendakariordea izendatu zuten.
EAJren VI. Batzar Nagusia argazkitan (© EAJ)
Iñigo Urkulluren diskurtsoa (© EAJ)
Koldo Mediavilla Amarika kazetari, "Deia" egunkariko kolaboratzaile eta Bizkaiko Batzar Nagusietako lehendakariorde getxoztarra EAJren Euzkadi Buru Batzarreko kide aukeratu zuten atzo alderdi jeltzalearen VI. Batzar Nagusiaren baitan. Berarekin batera, Nekane Alonso, Joseba Aurrekoetxea, Lorea Bilbao eta Iñaki Goikoetxeta bizkaitarrak, Pilar Garcia de Salazar eta Gonzalo Saenz de Samaniego arabarrak eta Aitor Olaizola gipuzkoarra hautatu zituzten EBBko kide, Arabari ohi baino pisu handiago emanez Gipuzkoaren kalterako. Espero bezala, gaur Iñigo Urkullu izendatu dute berriro ere EBBko presidente. Belen Greaves orain arteko EBBko idazkariak ardura utzi dionez, bere lekua nork hartuko duen izango da organigrama jelkidea berritzeko hurrengo urratsa. Mediavillak aukera asko duela esaten duenik badago, baina kontran du berak aitortzen duenez "euskaraz oinarrizko ezagupenak" baino ez dituela. Argazkian, Koldo Mediavilla / © EAJ.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun