"Gaiak daukan larritasuna kontutan hartuta eta Bilbon emandako bultzada kolosala aprobetxatuz", euskal preso politikoen eskubideak agenda politiko, sozial eta kulturalaren erdigunean jartzera doaz Leioan. Horretarako eta indarrak biltzeko, Elkartasun Eguna antolatu dute aipatu udalerrian martxoaren 10erako. Indar hori “Pausutxu bet aurrera, Euskal Presoen Eskubideen alde” dinamikaren bidez irudikatuko dute. "Gure asmoa da Leioako eragile eta herritarrek euskal presoen eskubideen aldeko pausuak ematea, bakoitza bere esparrutik abiatuta", bertokoek adierazi dutenez. Aipatu dinamikaren abiapuntua izango da agerraldi masiboa: larunbat honetan, urtarrilak 21, eguerdiko 12etan, Bulebarrean. Horretan, ehun pertsona baino gehiago elkartu nahi dituzte eta, horretarako, herritarrei laguntza eskatu diete; alde batetik, bertara joanez eta, bestetik, agerraldiaren berri emanez ingurukoei.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
