Geologiako 4. Olinpiada jokatuko da ostiral honetan, urtarrilak 20, EHUko Leioa eta Erandioko campuseko Zientzia eta Teknologia Fakultatean, goizeko 10etik aurrera. Proba horrekin batera, "Geologia Bizirik" zabalkunde jarduera egingo dute, aurreko edizioetan bezala. Helburua aipatu gaia ikasleengana hurbiltzea da, EHUko iturriek diotenez, "Bigarren Hezkuntzan geologia ia erabat desagertu denetik, ikasle askok ez baitakite unibertsitatean lantzen den zientzia bat denik eta hori jakitea ezinbestekoa denik planeta ezagutzeko". Xabier Murelaga Estratigrafia eta Paleontologia Saileko irakasleak iragarri zuenez, "olinpiada autonomiko hau irabazten duten lau ikasleek martxoaren 24an Santanderren egingo den Espainiako 3. Geologiako Olinpiadan parte hartuko dute". Argazkian, hainbat fakultate Leioa eta Erandioko campusean.
Biharko lehiaketan Batxilergoko azken mailetako 30 ikaslek parte hartuko dute. Olinpiadaren lehenengo zatia teorikoa izango da eta bigarrena, berriz, praktikoa. Proba teorikoan Batxilergoan ematen diren geologiako gaiei loturiko galdera batzuei erantzun beharko diete, eta proba praktikoan, berriz, arroka, mineral eta fosil mota desberdinak identifikatu beharko dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun