Laura Mintegi idazle algortarraren "Sisifo maite minez" (Txalaparta, 2001) eleberria nederlanderaz argitaratu da "Sisyphus verliefd" izenburuarekin, Zirimiri Press argitaletxearen ekimenez eta Etxepare Euskal Institutuaren laguntzaz. Peter Smaardijkek egin du itzulpena, Etxepare Institutuko iturriek adierazi dutenez. Liburuaren aurkezpena Amsterdameko Perdu fundazio literarioan egin zen, eta bertan solasean aritu ziren Laura Mintegi eta Amsterdamen bizi den Aitziber Renteria psikologoa. Zirimiri Press argitaletxea hizkuntza txikien fikzioan eta saiakeran espezializatuta dago. Henrike Abasolo euskaldunak eta Cristina Richarte katalanak sortu zuten eta "Emekiro" izenburuarekin euskal emakume idazleen narrazio sorta plazaratu zuten nederlanderaz iaz. Argazkian, Laura Mintegi Uribe Kostako irakurleen txokoan / cc-by egizu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun