![](http://farm6.static.flickr.com/5104/5633778279_fb90448e26_m.jpg)
Leioako Pop-Rock Lehiaketaren hamaikagarren edizioan parte hartu nahi duten taldeek martxoaren 30a izango dute azken eguna gutxienez bost abesti dituen CDa postaz (Aterpe Leioa Gaztegunea. Aldapabarrena, 2. 48940 Leioa) bidaltzeko,
oinarrietan (pdf) zehaztu bezala. Udal iturriek gogoratu dutenez, disko bat baino gehiago kalean ez duten edota aurreko urteetan sariketa irabazi ez duten taldeak aurkez daitezke soilik. Bi arloetako batean eman dezakete izena: pop-rocka edo metala. Horrenbestez, apirilaren 23rako, modalitate bakoitzeko hiru talde aukeratu beharko ditu epaimahaiak eta finala jokatuko dute horiek, oraindik zehaztu ez duten egun eta orduan, San Juan jaietako egitarauaren barruan. Sarien artean, pop-rock zein metal txapeldunek 1.800 euroko saria jasoko dute. Argazkian, Leioa eta Bilboko Quaoar taldeak eskuratu zuen iaz ikuslegoaren saria / © Quaoar.