Hirigintza zinegotziaren arabera, inpaktu-txostenaren gai batzuk sakonago aztertzeaz gainera, Portuko Agintaritzari beste eskari batzuk ere egingo dizkio Udalak, gehienak hondar-erauzketa hasita. Besteak beste, dragatze lanak egiten dituzten bitartean eta horiek amaitutakoan ere Portuko Agintaritzak egingo dituen kontrolen berri zehatza izatea nahi dute. Horretaz gain, hondartzen karakterizazioari buruzko azterketaren gorabehera aldez aurretik ezagutzea eskatu du Udalak, "haren garrantziari edo zehaztasunei buruzko iradokizunak egin ahal izateko".
Udal agintariek, era berean, komunikaziorako kanal bat ezartzea nahi dute obraren, bere eraginen eta Ingurumenaren Zaintze Programan jasotako kontrolen inguruko kontsultak egiteko, lanak egiten diren bitartean zein horiek amaitutakoan. Ingurumen Zaintze Programaren uraren kalitatearen eta hondartzen egoeraren kontrolak egitean datza, Barinatxe hondartzaren gaineko bi urteko ebaluazioa eta Ereaga eta Arrigunagakoena urtean bi alditan (lehen hiru kanpainetan urterokoa Udalak hala eskatuta) programatuz 10 urteko denboraldi batean.
49 metro kubo
Hirigintza zinegotziak azaldu du Portuko ikerketan 49 milioi metro kubo hondar erauztea aipatzen dela, hiru etapatan, aurten hasi eta 2026ra arte, proiektuaren beraren aurreikuspenetan agertzen den bezala, erauzteko kopurua 27 milioi tonakoa bada ere. Horietatik 250.000 metro kubo Getxoko bidaiari-itsasontzi handien kai berrirako betegarri bezala erabiltzeko lirateke, gaur Arregik aitortu duenez.
Dragatze lanen ondorioz hondartzetan "aldaketa aipagarririk" ez du aurreikusten Getxoko Udalak
Abrako hondar-erauzketa proiektuari buruzko inpaktu-txostenaren gai batzuk sakonago aztertzea eskatuko dio Getxoko Udalak Bilboko Portuko Agintaritzari eta, artean, “gertutik zainduko du dragatze lan horiek”, Joseba Arregi Hirigintza zinegotziak gaur adierazi duenez. Horren arabera, udal teknikariek egindako azterketatik ondorioztatu dute "udalerriko hondartzen egonkortasuna okertu lezakeen eragin bakarra dela olatuen ezaugarriak eta hedapen baldintzak aldarazi ditzakeela". Barinatxe eta Gorrondatxe hareatzetan eragina "oso txikia" litzateke, Arregiren hitzetan. Ereaga eta Arrigunagan, zehaztu du "agerikoagoa" izango litzatekeela. "Halere, uste da, ikertutako datuen arabera, ez dela aldaketa aipagarririk izango hondartzeetan eragina duen dinamikan eta sedimentu garraioak ere ez direla egungoak baino handiagoak izango", adierazi duenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun