Equo Bizkaiaren ustez, ingurugiro inpaktuak nahiko kontutan hartu gabe, burutuko den proiektu baten inpaktu guztiak ezagutu eta argitaratzea ezinbestekoa da, eta udaletxeko arduradunek informazioa agertzean izandako geldotasuna gaitzesten dugu.
Guzti hau dela eta, Equo Bizkaiak Abra Bizirik plataformak deitutako elkarretaratzearekin bat egiten du, proiektuaren ingurugiro-bideratze independente baten aldeko herritargo eta jendartearen kontzientzia pizteko, proiektuaren inpaktuen inguruko informazio objektiboa lortu eta zabaldu ahal izateko esperantzarekin, bere egokitasuna birkontsideratu ahal izateko.
Equo Bizkaia: "Punta Luzeroko draga proiektuaren kontrako gizarte mobilizaziora deitzen dugu"
Equo Bizkaiak Punta Luzeroko dragak kostalde eta itsasoan suposatuko duen ingurugiro inpaktuaren inguruan ardura plazaratu nahi du. Hau dela eta, Equo Bizkaiak Getxoko Abra Bizirik plataformak aldez aurretik aurkeztutako ikuspuntuak partekatzen ditu, eta hurrengo larunbatean, urtarrilak 28, egindako protestaldira batuko da, 11:30ean Algortako Portu Zaharrean. Equoren ustez, pasa den azaroan Udalak Auzokideok taldeari emandako erantzuna argiki eskasa izan zen. Proiektuaren inpaktuekiko ukapen orokorra egin zuen, baina eusteko argudio sendorik gabekoa. Aldi berean, abenduaren 27ko udal batzarrean ingurugiro inpaktua aztertzeko ikerketa independente bat egiteko mozio bat atzera bota zen, udal arduradunek proiektu honen ingurugiro-bideratzea oraindik eginda ez zegoela aitortu zutelarik. Horren ondoren Udalak eskatu eta aurkeztutako txostenak olatuen altuera eta korronteen eraldaketak, hondartzen harearen oszilazioa eta harrien agerraldia suposatu dezakeela onartzen du. Argazkian, biharko mobilizazioko egitaraua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun