Larunbatean Pirinioetako Auñamendi inguruetan galdutako bi mendizale onik aurkitu zituzten atzo Belaguako zonaldean, hainbat albiste agentziek zabaldu dutenez. Dirudienez, J.G.M. 52 urteko Barrikako gizona eta F.G.G. 24 urteko atarrabiarra, federazio baten kideak, lainoaren ondorioz galdu ziren, gailurretik jaistean. Mendizaleek 112 SOS Nafarroa Larrialdi Zerbitzuetara deitu zuten larunbat arratsaldeko 5ak aldera, ibilgailuak Belaguako aparkalekuan utzita, Auñamendiko gailurrerako bidea hartu zutela eta lainoaren ondorioz galduta zeudela azaltzeko. Mendizaleek azaldu zutenez, Laskunerako norabidean GR10 ibilbidea hartzeko asmoa zuten, bertan dagoen aterpe batera heltzen saiatzeko baina deia moztu eta Larrialdi Zerbitzuek Paueko suhiltzaileei eman zieten abisua. Argazkian, Auñamendi / cc-by-nc-sa jabarea.
Frantziako suhiltzaileak aterpera joan ziren, baina ez zuten bertan inor aurkitu. Telefonoek ez zuten seinalerik ematen eta ordutik ez zegoen euren berririk. Frantziako zerbitzuak, Larrialdierako Nafarroako Agentzia eta Guardia Zibilaren mendiko erreskate taldea bilaketa lanetan hasi ziren. Azkenean, igande goizeko 11etan, foruzainek auto batekin topo egin zuten, eta desagertutakoak hartu eta gaua, Larrako Karts izenez ezagututako gunean pasa zutela ohartarazi zuten. Goizean goiz, desagertutakoak autoa utzi zuten aparkalekura eraman dituztela esan zuten eta ondorioz, foruzainek abisua eman eta bertan aurkitu zituzten, onik, bi mendizaleak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun