Leioan honako ibilbidea egingo dute:
09:00 Lamia AEK.
09:30 Mendibile.
10:00 Santimami.
10:30 Santsoena (elektrika aurretik).
11:00 Hamaiketakoa.
11:30 Santsoena (2. zatia).
12:30 Solaetxeko kurba.
13:00 Peruri.
13:30 Sanbar.
14:30 Bazkaltzera.
"Beranduago etortzeko asmoa baduzu, ordutegia lagungarria izango zaizu. Beraz, ez hutsik egin eta etorri gurekin batera Agate Deunaz gozatzera! Eztarri beroa eta gogoa, besterik ez da falta! Giro ederra izango dugu!", adierazi dute Berbalamiñekoek.
Urtero legez, Santa Ageda bezperan, hamaika kantari-talde ibiliko da kalez kale eta baserriz baserri, ohitura zaharrari jarraituz. Uribe Kostako herri eta auzo gehienetan ere batuko dira auzokideak, otsailaren 4an. Arratsaldean, eragile asko irtengo da kantatzera, baina, Getxon eta Leioan, goizez ere ibiliko dira batzuk: Algortako Lauaxeta AEK euskaltegiak Bolue inguruko baserrietan kantatuko du, eta Leioako Berbalamiñe euskara taldeak Santimami, Peruri, Ondiz... ingurukoetan. Biek ala biek ipini dute hitzordua goizeko 9etan, Lauaxeta zein Lamia AEK euskaltegietan. Argazkian, ALBE eta Lauaxetako lagunak baserriz baserri, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun