Era berean, ipar-ekialdeko fluxua izango da nagusi eta, hala, Europatik eratorritako aire-masa erlatiboki lehorra izango da. Dena den, izango diren prezipitazioak elur moduan izango dira itsasoaren mailara ostegunean eta ostiralean zehar. Edozein kasutan, atmosferaren eboluzioa arretaz jarraitu behar da ikusteko azken konfigurazioak itsas-ibilbide gehiagoko ipar-ekialdeko haizeak ekartzen dituen ala ez, hezetasun eta prezipitazio gehiago utzita.
Egoera honekin, asteazkenean prezipitazio txiki-ertainak izan litezke eta elur-kota 1.300 metrotik 300 metrotara jaitsiko da egunean zehar. Azken orduetan, 0-100 metroen artean kokatuko da. Ostegun eta ostiralean zehar, printzipioz, prezipitazioak ez dira garrantzizkoak izango. Eskasagoak izango dira EAEko ekialdean, baina elurra agertzekotan edozein kotara ager daiteke. Kontraz, tenperaturak gero eta hotzagoak izango dira zenbat eta ekialderago.
Elurra eta izotza
0-3 graduren artean kokatuko dira tenperatuta maximoak kostaldean eta 0 gradutan barnealdean. Batez ere ostiralean izan daitezke balio negatiboak barnealdean. Kostaldean 0 eta -5 gradu artean kokatuko dira tenperatura minimoak, batez ere Gipuzkoan, eta -5 eta -3 gradutan Gipuzkoako barnealdean eta Bizkaiko barnealdean, hurrenez hurren. Araban, -5 gradutan kokatuko dira minimoak. Mendi-zonaldetan, gainera, -5 gradu azpitik egongo dira tenperaturak egun osoan zehar. Laburbilduz, Euskalmetek dio hotza izango dela protagonista astearen erdialdetik aurrera, edozein kotara elurra izan daitekeela eta izozte orokortuekin.
Euskalmet Meteorologiaren Euskal Agentziak tenperaturen beherakada handia iragarri du asteazken honetatik aurrera, batez ere maximei dagokienez. Bereziki, ostegunean, otsailaren 2an, eta ostiralean, hilaren 3an, izango dira nabarmenak tenperatura baxu horiek. Euskalmeten arabera, Errusian kokatutako 1.060 milibarko antizikloi indartsu baten eraginez izango da egoera hau. Europako eguraldia baldintzatuko du antizikloiak, aire oso hotza sartuz kontinenteko zati handi batean eta denboraleen ohiko mugimendua blokeatuz. Meteorologiaren Euskal Agentziaren ustez, aire-masa honek asteazkenetik aurrera izango du eragina Euskal Autonomia Erkidegoan (EAE), tenperatura maximoak nabarmen jaitsiz. Hala ere, ostegunean eta ostiralean izango dira unerik hotzenak eta asteburura arte luza daiteke egoera. Argibide gehiagorako, kontsultatu UKBERRI.NETeko eguraldi zerbitzua. Argazkia: cc-by-sa karrikas.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun