Erandioko udaletxe aurrean egin dute elkarretaratzea gaur eguerdian Eskumaldeko ELAko 200 bat ordezkarik. Aurretik batzarra egin dute Altzagako azoka zaharrean. Horren bitartez, euskal gehiengo sindikalak eta herri mugimendu zabalak larunbat honetarako (otsailak 4) Bilbon deitutako manifestazio nazionalarekin bat egin dute. “Mugi gaitezen geure eskubideen alde” lelopean, arratsaldeko 6etan abiatuko da Jesusen Bihotzaren plazatik. ELA, LAB, STEE, EHNE, Hiru eta elkarte zerrenda luzeak manifestaziora joateko deia egin dute. Eusko Jaurlaritzak eta Nafarroako eta Espainiako gobernuek murrizketen bidea hartu zutela hiru urte igaro dira. Krisi "ekonomiko eta soziala" areagotzen ari den neurrian "urteetako borroken ondorioz lortutako eskubideak" kendu nahi dituztela salatu dute deitzaileek. Orain arte hartutako neurri horiek, gainera, onurak ekarri beharrean langabezia, desberdintasuna eta pobrezia areagotu dituztela uste dute. Argazkian, gaurko elkarretaratzea Erandioko udaletxe aurrean.
Euskal gehiengo sindikalak eta herri mugimendu zabalaren adierazpena
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun