Babes sozialaren Sistemak ematen zuen laguntza pixka, lehen ere exkaxegia gaurko behar izanei erantzuteko, zerbitzu publikoen pribatizazioak hankaz gora jarri du.
300.000 pentsiodun daude pobreziaren eremuan, pentsioak izoztuta, pentsio askorentzat erreferentzi den Lanbide-arteko Gutxieneko Soldata ere berdin, KPIa bermatu gabe eta %1aren igoera pentsiodun guztiei egindako iraina bilakatu delarik.
Fiskalitatea aipatzen badugu, PFEZak igoera berri bat izan du, bereziki mingarria maila sozial baxuenentzat. Aldi berean progresioaren irizpidea ez da behar bezain zorrotz aplikatu, hau da, gehiago duenak gehiago ordain dezala.
Iruzur fiskala zuzen bideratzeko ahaleginak oinarrizko errenten baitan jartzen du jo-puntua, eta ez urtez urte milioika eta milioikako iruzurra egiten dutenengan.
Horra hor zergatik atxikitzen gatzaizkion otsailaren 4an egingo den manifestaldiari eta dei egiten diegun pentsiodun guztiei egun horretan parte har dezaten.
- Hemen eta orain, pentsioak bermatu.
- Pentsio bat bera ere ez mila euroren azpitik.
- Babes Sozialaren Euskal Sistema, publikoa eta osoa.
Otsailaren 4an zatoz Bilbora, Jesusen Bihotzaren plazara. Pentsionistok 17:30ean bilduko gara Kale Nagusia eta Areiltza Doktorea kalearen artean (Renault ondoan).
Gipuzkoa, Bizkaia, Nafarroa eta Arabako Pentsionisten Plataformak
Hego Euskal Herriko Pentsionisten Plataformak jakinaren gainean gaude datorren larunbatean, otsailak 4, sindikatu eta gizarte erakunde ezberdinek Bilbon egingo den manifestazioaren inguruan. Krisiaren aitzakian klase politikoak hartutako erabakiek milaka gizon eta emakumerengan dituzten ondorioen gainean haien analisiarekin bat gatozenez, adierazi nahi dugu milaka lagunen pobrezia eta prekarietate egoera hau neurri guztien gainetik gehitzen ari da, eta sarri askotan eguneroko bizitzan ezinbesteko diren elikadura, etxebizitza... gutxienekoak ezin dira lortu. Gizarte Laguntzen murrizketek ez dute batere laguntzen langabezia, lan prekarietatea, pentsioen izoztearen... ondorioz egunetik egunera handiagoak diren premiei aurre egiten. Hori guztia, gainera, herri langileak sortu ez duen krisi baten ondorio dira. Argazkian, Langabezia eta pentsioen murrizketaren kontrako Plataformak Leioan egindako elkarretaratzea, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun