DYAko anbulantzia bat lokalera joan da, udaltzainek abisatuta, eta genero indarkeriaren biktima, 37 urteko emakumea, bertan artatu ondoren Gurutzetako erietxera eraman dute, burezurreko traumatismo arinarekin eta ubeldura batekin lepoan. Erietxean sendatu ondoren alta eman diote.
Getxoko Udaltzaingoak azpimarratu duenez, "badirudi ez dela biktimak bere bikotekidearen erasoa pairatzen duen lehen aldia". Atxilotutakoa epailearen eskutik igaro ei da gaur goizean, Getxoko Justizia Jauregian epaiketa arina egiteko ordua gaur goizean bertan zehaztu duela adierazi baitu Udalak. Halere, ez dute horren emaitzaren berri eman.
Keltse Eiguren Berdintasuneko Zerbitzuko zinegotziak erasoaren aurrean bere gaitzespena eta arbuioa agertu ditu, "emakumeenganako eraso fisikoa indarkeria sexistaren eratako bat da eta beraz giza eskubideen urratze larria suposatzen du" gehituz.
Era berean, Egigurenek gogoratu du Gizarte Zerbitzuek (944 660 151) aholkularitza eskaintzen duela eta honako telefono zenbaki hauetara ere jo daitekeela: Eusko Jaurlaritzaren tratu txarren biktimena (900 840 111), Udaltzaingoa (944 660 202), Ertzaintza (944 063 420) eta SOS Deiak (112).
Getxoko Udaltzaingoak D.F.A.S. inizialak dituen 34 urteko gizona atxilotu du gaur goizaldean, genero indarkeriaren delitu bat leporatuta. Udal iturrien arabera, erasoa 0:35ak aldera izan da Itzubaltzeta / Romoko ostalaritzako establezimendu baten barruan. Ordu horretan Udaltzaingoaren Koordinazio Zentroak dei bat jaso du esateko taberna baten barruan eztabaida baten ostean gizon batek bere bikotekideari lepoan "kolpe handia" eman diola eta horren ondorioz emakumea lurrera erori dela. Bertsio ofizialaren arabera, bikotekidea kolpatu ostean, ustezko erasotzaileak alde egin du, baina segundo batzuk igaro ondoren itzuli egin da, lokaleko edalontzi batzuk apurtu, bezeroen kontra jarri eta beste emakume bat jo du. Geroago, ibiltzen joan da Leioako udalerrirantz, erroldatuta dagoen tokia. Bertaratutako udaltzainek aurkitu eta atxilotu egin dute ustezko erasotzailea, alde egiten zebilenean. Argazkian, iazko uztailean 15ean, Itzubaltzetako Emakumeon Asanbladak herrian izandako bortxaketa saiakera bat, jazarpenak, jarraipenak eta irainak salatu zituen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun