Sendi egitasmoaren bitartez, 6 urtetik gorako neska-mutilentzako inauterietako makillaje tailerrak antolatu ditu Egizu Getxo euskaldun! elkarteak. Eskolak astearte eta asteazken hauetan (otsailak 7 eta 8) emango dituzte, 17:30etik 18:45era, Getxoko Andra Mari ikastetxean, matrikula doan. Parte-hartzaile kopurua mugatua da, 15 umek baino ezin izango baitute tailerra egin, beraien aita-amek lagunduta. "Gurasoek eta haurrek aurpegiak pintatzen ikasiko dute Garazi eta Fatimaren laguntzari esker. Hainbat ereduren laguntzaz nahiko erraza suertatuko zaigu gure gurasoen eta seme-alaben aurpegiak pintatzea. Pazientzia apur bat, kolore ezberdinetako pinturak eta brillantina pixka bat nahiko dira irudi politak sortzeko!", azaldu dute Egizukoek. 6 urtetik beherako umerik egotekotan, doako begirale zerbitzua ere izango da, aurretik abisatuta (685 732 963). Argazkian, Sendik aurreko batean egindako mozorro tailerra / cc-by egizu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun