Ertzaintzak 18 urteko bi mutil atxilotu ditu gaur goizean Berangoko diskoteka baten kanpoko aldean. Eusko Jaurlaritzaren Herrizaingo Sailak zabaldu duenez, beste mutil bat kolpatu eta lesioak eragin izana leporatzen diete gazteei. Liskarra goizaldeko 4ak baino lehen sortu ei da. Izan ere, ordu horretan Neguriko Ertzain-etxeko poliziak Berangoko diskotekan bertaratu dira, handik at borrokaldi bat izan dela jakin ostean. Bertsio ofizialaren arabera, ertzainak tokira heldu direnean, hainbat pertsona topatu dute, haietako bat zaurituta. Mutilak esan dienez, eztabaida batean bitartekaritza lanak egiten saiatu denean bertako bi gaztek jo egin dute. Biktima Gurutzetako ospitalera eraman dute, buruan ebaki-kolpe zauria eta begi batean hematoma bat zituela. Ustezko erasotzaileak bertan atxilotu dituzte, lesio delitua egotzita.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun