Metro Bilbaon gaur izandako lehenengo lanuztearen jarraipena %90ekoa izan da, greba batzordeak jakinarazitakoaren arabera. Langileen ordezkarien esanetan, ia langile guztiek egin dute bat goizeko 7:30etik 9:30era egindako geldialdiarekin, %30eko gutxieneko zerbitzuak izan ezik. Nolanahi ere, zuzendaritzak esan du lanegun arrunt baten zerbitzuen %55 eskaini dituztela. Portzentaje ezberdintasun horren harira, sindikatuek salatu dute zuzendaritzak ibilbidea bukatzera behartu dituztela goizeko 7:30ak baino lehen ateratako gidariak, eta 9:00etan beste zortzi konboi abiatu dituela. "Neurri horiekin, gainditu egin dituzte gutxieneko zerbitzuak", greba batzordeak kritikatu duenez. Arratsaldean ere lanuztea egingo dute Metro Bilbaoko beharginek, 17:30etik 19:30era; mantenu esparruko berregituraketan, Gabon-gaueko zerbitzuan, lantaldea handitzeko akordioan eta ordezkapenetan desadostasunak edota urraketak daudela iritzita. Argazkian, atzo elkarretaratzea egin zuten Bilboko epaitegietan / © LAB Metro Bilbao.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun