Leioako Artea merkataritza gune handiko Kristal plazan erabakiko da gaur zein izango den Araba, Bizkaia eta Gipuzkoako moda diseinatzaile gazterik onena. Iluntzeko 7etatik aurrera, EAEko sei sortzaile gazte lehiatuko dira Diseinugile Gazteen VIII Lehiaketan. Oraingoz emakumezko batek irabaziko duela da ziurra den kontu bakarra, sei partaideak neskak baitira. Antolatzaileek aurreratu dutenez, galan zehar "diseinu original eta arriskatuak" espero dituzte Nagore Santiago, Sheila Cantera, Estefania Erze, Ahida Agirre, Paola Armiño eta Ana Urrutibeaskoa gazteengandik. Hurrenez hurren, "Paradise Circus", "Sencillamente Sencilla Locura", "Rock the Night", "Barquitos de Chocolate con Leche", "Dakota" eta "Release" arropa bildumak aurkeztuko dituzte. Ekimena Ande diseinatzaile gazte eta berrien elkarteak antolatu du. Argazkian, Ahida Agirre mungiarra / © Ahida Agirre.
Epaimahaikideei dagokienez, Alicia Rueda eta Mercedes de Miguel diseinugileak, Ana Lopez Leioako Udaleko Kultura eta Gazteria Arloko zuzendaria, Raquel Conejo eta Sofia Arribas Arteako zuzendaria eta saltzailea, Nagore de Garamendi moda blogaria eta Laura Victoria Valencia Anderen presidenteak baloratuko dituzte desfileak. Gaurko irabazlea Edurne Oroz nafarrarekin eta beste 15 disenugile gazterekin izango da Madrilen gaur zortzi burutuko den Estatu mailako lehiaketan. Madrilen gerta ala gerta gaurko irabazlearen bilduma ikusgai izango da Artean hilaren 20tik 26ra.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun