![](http://www.ukberri.net/berrirudi/atxiloketa.jpg)
Ertzaintzak taberna bat itxi zuen atzo Leioan eta bertako bi lagun atxilotu zituen droga-trafikoan jarduten zutelakoan.
Herrizaingo Sailak zabaldu duenez, atxiloketa arratsaldeko lauretan izan zen. Agenteek ostatuan "haxixa saltzen zela susmatzen" zuten eta barrura sartu zirenean, "47 urteko gizonezko batek 400 euro baino gehiago zuen gutun-azal bat ezkutatzen harrapatu" zuten, bertsio ofizialaren arabera. Ertzaintzak dirua hartu zuen, "droga-trafikotik zetorrelako susmoa zuelako", eta gizonezkoa atxilotu zuen. Tabernako sukaldean, berriz, "haxix zatiak, droga estaltzeko plastikoak eta droga-trafikoarekin zerikusia zuten hainbat ohar" topatu ei zituzten. Aldi berean, 31 urteko emakumezkoa bat atxilotu zuten, "tabernaren arduraduna zelako". Atxilotuak polizia-etxera eraman zituzten eta taberna behin-behinean itxi zuten, epailearen esku jarri arte. Horrez gainera, tabernan zegoen beste lagun bati isun bat jarri zioten kokainako poltsa txiki bat edukitzeagatik.