"Poitiers Vivonneko espetxe zuzendaritzak bertan diren preso politikoei ezartzen dieten zigor sistematikoei aurre egiteko" egin zuten larunbateko martxa. "Bi hilabete luzez Eneko Zarrabeitiak ezingo ditu bere senideak besarkatu, beste kide baten senideei aupada bat egiteagatik ezarri dioten zigorragatik. Gorka Azpitartek, aldiz, beste preso batekin hitz egiteagatik 30 egunetan patiorik ez du izango. Euskal preso politikoen aurkako zigorrak etengabeak dira, 'mittar' deituriko isolatzeak eguneroko ogia direlarik", salatu zuten kartzelako ateraino hurbildutakoek.
Poitiersera martxa
Espetxe atariraino eraman dute Saioa Sanchez eta Poitiers-eko gainontzeko presoen aldeko elkartasun oihua
Ostiralean, gauerdia pasata, Abadiñotik abiatu ziren 80 bat senide eta lagun Frantziako Poitiers Vivonneko espetxe aldera. 550 kilometro egin eta gero iritsi ziren kartzelara, larunbatean. Han daude, Saioa Sanchez berangoztarrarekin batera, Eneko Zarrabeitia (Abadiño), Gorka Azpitarte (Ezkoriatza) eta Maite Aranalde (Ibarra) preso politikoak. Goizeko 11etan agerraldia (txalapartariak, abeslaria...) egin zuten espetxe kanpoaldean, "preso politikoen eskubideen zapalketa salatzeko eta beraiekiko jazarpenaren amaiera eskatzeko", bertaratutakoek UKBERRI.NETi azaldu diotenez. Kartzelako zuzendariari gutun bat bidaltzeko kanpaina abian egon da eta lortutako sinadurak bertan luzatu zizkioten. Ondoren martxan parte hartu zutenek espetxeari buelta eman zioten presoen aldeko oihuak eginez eta haiei animoak emanez. Etxera bueltan pozik ziren martxan parte hartu zutenak, “elkartasunaren beroa hormen beste alderaino eramateagatik”. Bestalde, Borja Gutierrez berangoztarrak eta Villepinte espetxeko gainontzeko euskal preso politikoek gose greban jarraitzen dutela gogoratu du Etxerat elkarteak. Argazkian, senide eta lagunak Poitierseko espetxean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun