Behin saio nagusiak bukatuta, ohi bezala, Hego Euskal Herriko hainbat udalerrietan eskainiko dituzte Bilboko gay-lesbo-trans bederatzigarren nazioarteko zinemaldira aurkeztutako filmetako batzuk. Gurean, Algorta, Leioa eta Sopelan izango dira emanaldiak. Horrenbestez, gaur, asteartea, "A los que gritan" film laburra (eduki lesbiko handia) eta "Fjellet (The Mountain)" film luzea (eduki lesbiko handia) egongo dira ikusgai, 20:00etatik aurrera, Villamonteko kultur etxean. Hurrengo bi saioak Kultur Leioan izango dira, ordu berean. Bihar, "Ausente" film luzea (gay eduki handia) proiektatuko dute. Etzi, berriz, eduki lesbiko handiko bi film labur eskainiko dituzte: "And I Am Me" eta "Vera y Lara (y visas). Eta ondoren, "Il lupo in calzoncini corti" dokumentala. Argazkian, Zinegoak zinemaldiaren zuzendaritza Pau Guillén-i utzi dion Roberto Gaston, Imanol Landa alkate getxoztarrarekin batera / © Getxo.net.
Sopelari dagokionez, ostiralean izango da saioa Kurtzio Kultur Etxean, 19:30ean. Batetik, "Eu não quero voltar sozinho" (gay eduki handia) eta "Down Here" (eduki lesbiko handia) film laburrak; eta bestetik, "Il lupo in calzoncini corti" dokumentala proiektatuko dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun