Lehiaketan izena emateko epea otsailaren 18an bukatuko da, 20:00etan. Horretarako, parte-hartzaileek Udal Kultur Gunera jo beharko dute: Udaletxeko bidea 2, 48650 / 946 775 163 / liburutegia[abildua]barrika.net. Bakoitzak tostadak aurkezteko bandeja hartu eta horiek aurkezteko modua azalduko zaio ere. Aurten sariak ondorengoak dira:
1. Bi pertsonentzako afaria Itxasgane jatetxean.
2. Bi pertsonentzako afaria Legaran jatetxean.
3. "Argituz" liburua (Barrikako argazkien liburua).
Izena emandako pertsona kopurua eskasa dela eta, mozorro lehiaketa bertan behera uztea erabaki du Barrikako Udalak. "Oso gutxi izan dira lehiaketara apuntatu diren pertsonak eta beraz, arrazoia aintzat hartuta, lehiaketa baliogabetzea erabaki dugu" azaldu dute tokiko arduradunek. Hala ere, berdin-berdin ospatuko dituzte Inauteriak: larunbat honetan, hilak 18, txokolatada herrikoia egingo dute frontoian, 18:00etatik aurrera. Bertara, mozorrotuta joatera animatu ditu barrikoztarrak Udalak. Bestalde, laugarren urtez, ogi txigortu lehiaketa antolatu dute Barrikan. Lehiakide bakoitzak ogizko dozena bat torrada aurkeztu beharko du, udaletxeko beheko solairuan, otsailaren 20an, arratsaldeko seietan. Ordu erdi beranduago hasiko dira epaileak horiek dastatzen, irabazlea zein den erabakitzeko. Horiek banatu ostean, hurbildutako jendeari ere ogi txigortuak probatzeko aukera emango diote. Argazkian, Inauterietan, ogi txigortu lehiaketa antolatzen dute Barrikan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun